نشطاء تويتر: «اللى بيته من إزاز يا جونى مايحدفش الناس بالطوب»

كتبت - مروة مظلوم


وقد جاء فى تغريدته «عايز تشتغل فى السفارة البريطانية؟ نرحب بالجميع ونرحب بابن عامل النظافة».
وسخر النشطاء من مغردى تويتر من تهكم السفير البريطانى على وزير العدل المستقيل بقولهم «الغريبة بقى أن أكتر شعب عنصرى مستعمر مغتصب لخيرات البلاد هواللى سفيره بيلقح على العنصرية وعجبى»
وأضاف آخر فى نفس السياق «يا ترى سفير بريطانيا فى أمريكا لقح برده على الأمريكان وقالهم السود مرحب بيهم عندنا وشرطتنا مش هتموت فيهم».
وأعرب أحد المستخدمين عن رفضه التام لتدخل السفير البريطانى فى الشأن الداخلى المصرى بقوله «التدخل فى الشأن المصرى مرفوض ولو حتى على سبيل التهريج وتهكم آخرون على حملة طرد السفير  بقوله «يا ريت كل الشباب اللى بيحب مصر ينزل النهاردة الخمارات والبارات فى وسط البلد ونخطف عساكر انجليز ونفاوض عليهم.
وطالب آخر المغردين المصريين بتقبل مُزحة السفير البريطانى، بقوله «لازم نتضامن مع القلش يا جماعة عيب ندعى ان دمنا خفيف ومش طايقين قلشة من ١ واضح انه بيحاول يجارى البطيخ فى مصر.
«بقولك إيه ياسيادة السفير.. إحنا نعلم على نفسنا ماشى لكن ييجى حد غريب يعلم علينا وفى حتتنا..لاااا يا خبيبى»..
«جناب السفير ابن بتاع الزبالة عاوز حق مصر اللى سرقتوه من ايام ملوك مصر بالاضافة لتعويضنا على كل سنة احتلال»..
«لك حق ما اللى وزيرها يقولها ياعورة يلعبوا بيها الكورة».
«فعلا لازم نطرد سفراء بريطانيا وانجلترا وسفير الانجليز بالمرة لأن التلات دول تحديدا بيستهدفوا لزعزعة البلد»..
وعلى الجانب الآخر، رفض عدد من المستخدمين الحملة الإلكترونية وعلقوا عليها بنشرهم لخبر تعيين ابن سائق حافلة مسلم وزيرًا فى بريطانيا.
ولا تعد تلك المرة الأولى التى يلفت فيها سفير بريطانيا الأنظار عبر مواقع التواصل الاجتماعى، فعبر موقع «تويتر» يكثف كاسن من نشاطه ليدعم مكانته الدبلوماسية فى القاهرة عبر باب الدبلوماسية الشعبية.