أحلام البنات

وقدرت تصبر ع البلاوى
كلها
وتعيش رسول
يا ضحكة ف عيون البتول
انظر لنا
احنا الغلابه كلنا
كل البلاد ف مصرنا
محتاجة يد حنينة
وبسمة تطمن كل قلب
يمكن ينام راعى النعاج
لو ساب نعاجه ويا كلب
كل الدروب
محتاجه درب يلمها
واحنا على طول البلاد
متشحترين
زى الشعير
جوه أراضى
مش طايقها أى فاس
كل الحريم كارهه
النفاس
كارهه الولادة والحبل
كارهه العيال
كارهه الخبيز على سطح
أحلام البنات
كارهه الجواز لما يموت
جوزها الفقير
خايفة يكون فوق حلمها
مليون غفير

 


محمد يوسف حامد
البحيرة