اعترف لك
الأحد 20 سبتمبر 2015
كتب
باعترف لك يا حياتي
باعترف لك يا حياتي
إن حبك كان منايا
والهوى ساكن حشايا
من زمان وأنا عود صغير
والفؤاد الغض أخضر
وأما شوفتك
بعد ما مرت سنين
دق قلبى بالحنين
حس إن الصبح نوَّرْ
وإن ورد الحب زهّر
يا حياتى فى الحنايا
بحر عينك خدنى ليه
روحت أسبح
كان نصيبى غرقت فيه
كنت مبسوط بالغرق جوه العنين
طول ما إيدك لامسة إيدي
هى مجدافى و عودي
طول ما قلبك كان معايا الحنين
كنت مبسوط بالغرق جوه العنين
كلمات - جمال مرسى
رسوم - مجدى الكفراوى