واحة الإبداع

اللوحات بريشة الفنان سيد سعد الدين

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

 



 

أحلام طير مسافر

كمال تاجا

أحلام طير مسافر
يخفض جناحيّه المتعبين
من وعثاء سفر المناكدة والتعفير
لبعد المسافة
وقصر يد الخفقة
عند الحاجة الماسة
يدور ويغرد
فى حلقات أنشاد مفرغة
من العذوبة
ويرسل أنغام
هبوط دوامات حزينة
على وقع الغربة
والتى تشيح بوجهها.. عنه
مسافات نأى شاسعة
ودون أن يدري
تقع من على رياشه الناعمة
عبرات دموع ضارية
من تفتت مهجة
نتف ريشه
على وقع حدة الأحداث الجارية
وكلما لعتقد أنه وجد غصنًا طريًا
لبناء عشه
تكاثر من حوله
فراخ ظله
وطاش صواب صيصان
أطيافه المغردة الصادحة
على رفرفة أجنحة
مكسورة الخاطر
ومن ضياعه المذري
فى اقصى الشتات العالمي
 ويعانى من نقص تروية
قرى..
معونات بخسة
من لقمة جافة
شربة ماء لا تروى غليل
غل مختنق
ويقاسى من ذكريات إباء عربي
لأنف شماء.. خضعت
وتدلت للغربة
يخلع عرى نفسه..المنكمشة
من أثوابها المزركشة
ليصبح عاريًا عن الريش
وبلا ملاءة مناسبة
بل بارتجاف أعطاف
خافضة للجناح
وبلا اعتداد بالذات
أمام الملأ العالمي
ويتسلل على رءوس أصابع الخيبة
ليرى وجوهًا غائبة
ويتلمس وهج ابتسامات فائتة
وينتشى من طبع قبل واجدة
على خدوده الخشنة
قساوة شظف الغربة
فى وطن فقد أثره تمامًا
إلا من ذكريات واهنة
يصففها فى خاطره
كسيال طرائف تجري
على وقع المداهمة
ينسقها بعناية رعاية
و يشذبها بأحواض دراية
كورود رائعة
فى مزهرية ذهنه
ويشرب فنجان قهوته المرة الصباحية
فى حضرة لألئ زهوها
وتنام رائحة عطرها
عل الوسادة جنبه
ومن ثم يخرج من باطنه
خاطرة زاهية تلمع فى ذهنه
ليجوب بها كشراع
يطوف فى موانئ
عراء خياله
من مستردات غوى خالية
من الغش
يبحث عن شيء ما ضائع
من فرط احتماله
فى ذل مخيمات الشتات الدولى

 



 

قصيدة

أحمد طايع

قصيدة أولها آخر
واللى أعرفه عنها ميزيدش عن الهامش
وسطورها أيام من اللى بتعدى وهيا فايتانا
زعلانة ليه وأنا بحكي عن اللى حصل
ملحقت حتى أدقق فى ملامحك
كل لما اشوف فجر صابح يتولد
حالة بدل بين الوجود والعدم
بين الفرح والشجن
بين الهمس والعلن
بين الشقا والشقا شقا
حكايات كتير متفرقة
وما بين كل حبيبين حكاية
خلصه بدأ من النهاية
شايفة .. عارفة مين كان معايا
صبره خيره خبره عيبه منا كنت البداية
أشهدكم على إيه كمان
على اللى حلمه جاله في جرة
لابس توب أبيض جديد
صحة فرحة تملى كل الكون ضجيج
يسمعها بس... كل حبيبين

 



 

سكة سفر للأمنيات

على المرسى - بيلا - كفر الشيخ

 

ومسكت ف جبين الحياة
طالب حياة
على أد قول المنشدين
وقت الأدان
واحد جبان صدّق ف يوم
ضحكة ف عيون الولاد النعسانين
وإختار يضّحك
ضحكة الخلق ف عينيه
مات منتحر
ف وشوش جبانة
مطلسمة الليل ف الحيطان
قلت الحيارى
غصب عنهم محتارين
ودا فرض عين
ملعون تراب الذكريات
هد البدن
واختار يفرّق
كام حكاية على الورق
من غير سطور
ضاعت معانى الانتصار
وادحرجت قدام عيون الخلق
صورة من اللى فات
إزاى حياتنا تفوت ساعات
كما ريح ف ليل شاتى وحزين
ونقوم نخرّج نفسنا
من بعد حالة من البيات
للضى فجأة
بدون حصانة وتجهيزات
والليل يدّور جوا منا عن بداية
تُكر ف خيطان الحياة
علشان نعيش
ونموت
ونصحى
ونبتدى سكة سفر للأمنيات
يا حظ يا مربوط هناك
اثبت مكانك
قلبى حافظ للمعاد
ومقدّر السكة وعارفها
بدون شبه
مكتوب علينا الخطوة
امتى؟؟
وفين تكون؟؟
لو حتى تاه العقل
أو تاه الجسد
وقت اللُقا
محفور ف لا وعى البشر
هيكون

 



 

كتابات

أحمد أمين عبدالرحمن

لو غاوى التصوير زى أنا
دور ع الصورة الشقيانة
المعدومة الهلكانة
الهمجية البهتانة
اللى بتحكى الهم ف نظرة
واللى بتوصف بصة جعانة
صورة بتنقل أرض الواقع
صورة بتحكى بكل أمانة
صور دور واوعى تزور
اوعى تفبرك ولا تحور
صور وانقل نبض الشارع
صورة مع نفوسنا بنتصارع
سيب الكاميرا على طبيعتها
واعمل ألبوم فيه ميت خانة
انزل عدى ف أى ميدان
مثلا روح ف ميدان رمسيس
دوشة وزيطة ف كل مكان
فوضى بتتدرس تدريس
صورة لناس بتبيع روبابيكيا
وناس من جوعها وفقرها باكية
وناس بتقول سامسونج ونوكيا
والكل مهيس تهييس
صورة لناس عايشة على مفيش
وناس بتموت على أكل العيش
وناس على نص رغيف بتعيش
والبنى آدم تمنه رخيص
صورة تانية لناس كارهة العيشة
طول اليوم ماسكين ف الشيشة
ولا فيه فلوس ولا فيه تحويشة
لكن كله عامل فييس
صورة لشعب بيعشق كورة
وحياته لغز وفزورة
بيغلوش ع الصورة بصورة
رغم طيابته برده خبيث
صورة لناس مستورة وشاكرة
مش شايلين الهم لبكرة
ولا ف دماغهم أبسط فكرة
عن حتى حركات إبليس
صورة لكل شباب وصلك
أن بلدنا واقفة محلك
ناس مع كل قرار بتقولك
يسقط يسقط أى رئيس
وشباب نفسه يغير بلده
يزرع حبها فيه وف ولده
متحمس هيصلح غلطة
وبيعمل دعوات ع الفيس
صورة لناس واقفين ف السكة
واقفة بتتلكك على تكة
واكشاك عاكة الشارع عكة
بانينها من غير ترخيص
وصورة لناس كانوا عاملين شلة
وتكاتك واقفة بتتسلى
والحتة اللى بقت محتلة
كات اصلا موقف أتوبيس
وصورة لواحد ماسك منصب
مش فارقة يهبش أو ينصب
من ورا منصبه عمال يكسب
على نفسه مأمن وحريص
وصورة لناس بتعدى ف يومها
شعب مكبر ومسلمها
مرة كلامه عن اللى هدمها
ومرة كلامه عن التوريث
وصورة لناس للسحر مأمنة
مش معترفة بكل كلامنا
والشيخ لو قال ع الزيت سمنة
بردو مصدقة غيث يا مغيث
آخر صورة لشعب بيفرح
بأقل حاجات فيها بيسرح
وان واحد ضحكة ع المسرح
ينسى الدنيا ويجرى يهيص

 

قصة  الحادثة

 كتبها
 صابر سيد أحمد - الأقصر

ثلاثة أيام مرت على تلك الحادثة والدموع لم تفارق عيني، ولم يكن يخطر بباله أن تمر مثل هذه الفترة لا يقابل فيها حبيبته هالة، تلك الفتاه الحالمة الوديعة والتى عشق فيها سمير كل شيء كل شيء، أناقتها صوتها نظراتها و نظارتها الشمسية، شنطة يدها قطتها، وإن كان حبه لقطتها مختلف، حيث إن قطتها هى السبب الأهم فى بداية علاقته بهالة، وأيضا كانت القطة ثالثهما فى جميع لقاءاتهما حتى فى ذلك اليوم عندما كانا يسيران ويد سمير اليمنى تحاصر يد هالة اليسرى، ويدها اليمنى تمسك بسلسلة تنتهى بطوق فضى يلتف حول رقبة القطة التى تسير تارة خلفهما وتارة عن يمينهما وتارة أمامهما وتارة عن يسارهما، ويملأ المكان نسيم عليل ويخيم عليهما هدوء يرنو على المكان برغم أصوات السيارات من حولهما حتى جاءت تلك السيارة الطائشة وحدث ما حدث.
من يومها وسمير فى حالة يرثى لها، يبحث عن هالة فى كل مكان دون جدوى، ذهب إلى كل الأماكن التى جمعتهما عند منزلها ومنازل أقربائها دون جدوى، لا يدرى ماذا يفعل وكيف يلقاها وأخيرا وجدها.
عند المقابر ارتدى سمير حلته الجديدة وحمل بوكيه الزهور وما أن اقترب من المقابر حتى لمحها، اقترب منها مد لها الورد رفعت رأسها نحوه قال لها بحثت عنك كثيرا وفى كل الأماكن ولم أتوقع إلا اليوم أن أجدك عند قبر قطتنا.