الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

قصيدة خيط






 
شعر : عبد الرحمن الابنودى

رسم : مجدى الكفراوى
 
الليل جدار
إذا يدن الديك
يطلع عليه النهار
وتنفلت من قبضه الشرق
الحمامة أم الجناح
أم الجناح الأبيض فى عيون الصغار
آه يا حبيبتى يا أم خصلة مهفهفة قلبى اللى
مرعوش الأمان لسه بيحلم بالدفا والشمس
كلمة طيبة وفيها الشفا قلبى اللى كان قرب
يموت لسه بيحلم بالبيوت زى الخرز والدرب
خيط حرير ولاضم كل حيط وفى كل دار
يترش حب الحب غيط يتنفس اللبلاب على
الباب الكبير وبرضه ملضوم بحرير
يا أم العيون الدفيانين لو تعرفى من فين
سمار النيل؟ منين ؟اوعك ان تقولى إن جوفه
عب طين اسمر لا الشمس فوقه من سنين
لو تعرفى طول السنين على شاب عريان
البدن ودراعاته مكشوفين وانتى عينكى
اسمروا من شيل الحنين ولانهم متكحلين
بشى حزين بشى فى كل عيون صحابي
الطيبين اللى فى عينيهم انتظار والليل جدار
إذا يدن الديك من عليه يطلع النهار