القرموطى: قطع لسان الإعلاميين المهاجمين للدولة.. وبقينا بناكل سد الحنك بسبب سد النهضة

كتب ـ محمد قبيصى

جدد الإعلامى جابر القرموطى، مطالبته من مجلس الوزراء بأن يعتبر ضحايا حادث العريش الأخير بأن يكونوا قضاة خاصة الشهيد المدنى الذى كان يعمل كهربائيًا، قائلا: «اكتبوا أى شهادة ولا أى حاجة.. ولا هو مات فطيس يعنى؟!».
وأضاف «القرموطى»، خلال تقديمه برنامج «مانشيت» على قناة «اون تى فى»: الداخلية واخدة بالها من ولادها وقامت بمجهود كويس على عكس مجلس الوزراء اللى مش مركز مع المواطن»، متابعًا: «عمر ما حد يقدر يعيب فى الدولة لأنها الأرضية الثابتة اللى ماشيين عليها وقطع لسان اللى يعيب فيها حتى لو احنا كإعلاميين.
وقال القرموطى، إن موضوع أزمة سد النهضة جعله يشعر بأنه «موطى رأسى فى الأرض»، مضيفًا: «الواحد هيمشى مطاطى لانه خلاص اتخنق».. وتابع «القرموطى»، «انا مش فاهم ملف سد النهضة ده رايح على فين؟!»، مضيفًا: «احنا بقينا دلوقتى بناكل سد الحنك بسبب سد النهضة لاننا مش فاهمين الدولة ماشية فيه أزاى؟.. وبصراحة أنا حاسس ان وزير الرى بيضحك عليا ومش مصدقه فى حكاية سد النهضة دى».
طالب القرموطى، بأن يتم إعطاء الثقة فى المرأة أن تحصل على منصب محافظ، قائلا: «ماتخلى ست هى اللى محافظة الاسكندرية إيه اللى هيحصل يعنى.. مش هيجرى حاجة لما نفكر بره الصندوق».
وأضاف القرموطى، «احنا جربنا الرجالة يبقوا محافظين حصل ايه يعنى ولا اى حاجة ولسه التفكير القديم زى ماهو»، مشيرًا إلى ان الإرهاب هو الإهمال وكذلك العقول الخربة والفاسدة كلها توصل إلى نتيجة واحدة وهى الإرهاب.