واحة الإبداع: وهان عليك

كتب: أبو الحسن حسن عكاشة

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات بريشة الفنان فريد فاضل

وهان عليك يابشر
تقلتنى من ضهري
وانا فـ ساعة الخطر
قلبى عليك يجري
دا أنا كنت حامى الحمى
ومازلت من يومي
ورصاصة كانت غدر
والدم فـ هدومي
ورحلت من دنيتي
ولا شفت أنا أمي
ولا قلت ليها وداع
وده كله كان همي
سامحينى ياحبيبة
ملحقت اقولهالك
غرقان أنا فـ دمي
وعيونى رايحالك
يلى أنت قاتلني
بتبعنى ليه برخيص
فكرك كده هتعيش
او لحظة يوم هتهيص
تقلتنى فـ غربتي
من فجرى وأنا طالع
دى شهادة يادنيتي
وكفاية بيها طالع
أما أنت ياخاين
اسمك على جبينك
 لو روحت لماداين
فـ بكرة جييبينك
والكل هايعاين
الغدر وف عينك
مصر العروبة يابلد
نفديها بأرواحنا
ومهما كان الجلد
هنصمد وبجراحنا
لو حتى غاب الولد
هنفضل فـ مطرحنا
دا الكل فيكى اتولد
والعز ده طموحنا
واحنا فـ أرضك وتد
 وإنتى الحياة وروحنا