لما سألتك

كلمات:  أحمد فؤاد نجم
رسوم : مجدى الكفراوي

لما سألتك قلتى افكر
ليه النبضة بقت تتأخر
ولا دا قلبك عقل بيحسب
امتى حيكسب امتى ح يخسر
لما سألتك عن احلامك
قلتى مانمتش انسى سؤالك
حتى نهارى كله مشاغل
أحلم صاحية؟.. شوف اوهامك
شمسك دايما ليه فى المغرب
يومى معاكى نهاره بيقصر
ولا دا قلبك عقل بيحسب
امتى حيكسب امتى ح يخسر
لما سألتك انت معايا
ياللى غرامك هو منايا
شفت فى عينك شئ م الحيرة
خرجت منى حاجات جوايا
حسيت انك مركب ماشية
جوه البحر بتبعد اكتر
ولا دا قلبك عقل بيحسب
امتى حيكسب امتى ح يخسر