الخميس 28 مارس 2024
رئيس مجلس الإدارة
هبة صادق
رئيس التحرير
احمد باشا

واحة الإبداع: قالتلى العشق حرية

واحة الإبداع: قالتلى العشق حرية
واحة الإبداع: قالتلى العشق حرية




محمد مصطفى عزوز

اللوحات بريشة الفنان سامى أبوالعزم

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
 

دا حرية دا حرية
تقولى الحب حرية
ويصبح فيه شيء مجنون
وتصبح غنوتك أنتى
يا أجمل شىء وأجمل كون
وأجمل حب حرية
تقولى يالله نتحرر ونتمرد
وقلتى يالله يا حبيبي
ومن خوفك كده أتجرد
ولكن ليه ملينى الخوف
وأنا مبخفشى من الأحزان
لكن بخاف من الفرقة
لأنى العشق آه عندى
لأنى العشق آه عندى
يعوز عاشقة بتعرفنى
وتوصفنى وتحفظنى
وبعشق كل واحده فى شىء
وبعشق فيكى الجرأة
ومفيكيش شىء بيتغير
كأنك طفل وصغير
وأنا ببكى عليكى بدمع
بتبكى انتى وبحرقه
وويا الناس بتتجرأ وتتمرد
وألقى معاها أنا طاعة
وتبقى معايا بالساعة
ولا تناقش ولا تجادل
كأنى بحكم أهل الأرض
وبنصف فى قلوب الناس
وتيجى تقول نبى عادل
وأنتى ويا كل الناس تجادليهم
وكل الناس بتعشقنى يجادلونى
لكنك أنتى يا عمرى فهمتيهم
ولا حدش فى كل الناس فهمونى
لقيتك زى بحر غريق
على المخاليق بيتكبر
لقيتك نسمه فى وجودى
وفى صوتى لقيت أحزانى
جواكى بتتقدر
لقيت البسمة فى عيونك
لما الضحكة تندهلى
لقيتك تجرى قدامى
وأنا ماشى على مهلى
لقيتك صرخة فى صوتى
ولما الحزن بيجينى
عينينكى الضحكة فى سكوتى
لقيتك شيء ما يتغير مع الأيام
ميتقدرشى فى الأحلام
لقيتك شيء مقدرنى
وعمره يا عمرى ما حاول
يكسر قلبى يكسرنى
يا عمر العمر وسنينى
سافرتى وانتى آه غايبة
ولكن آه وعدتينى
فى ليلة انبارح الدايبة
بأنك لحظة هتجينى
سفرتى فى غربه آه بعيده
ومش راجعه أنا عارف
وعارف أنى حكامنا
خلوا قلبك الخايف
وعارف انى فى البسمة
مفيش غير ظلم مش زايف
وأنا عرفتك يا دوب أيام
قريتى الشعر علشانى
وغنيتى على الحانى
لقيتك كنت انا تايه
فى عشق مكانش ليه ملامح
كأنى يا عمرى مكتوبلى
يا إما اجرح واتجرح
يا إما اسكت وأنا مسامح
قالتلى حبيبى انا مسافره
ولما اروح واترستق
هجيبلك فرصة للهجرة
ضحكت فى لحظة بدموعى
وقلتلها انا مصرى أنا وطنى
أعيش مسجون هنا فى بلدى
ولا أهاجر على فكره
وقلتلها فى لحظة ضعف
أكيد الدمعة فى عينى
تخلى رجولتى خسرانه
ولكن أنت يا عمرى اللى كسبانه
وانتى وحيده وسط الناس
بسيبلك دمعى اهه ذكرى
قالتلى بص يا محمد
أنا مهاجره  ومش راجعه
أنا كان ليه آه قضية ووطنيه
وليه فى مصر أغنيه
هنبعد صعب نتلاقى
عشان الدنيا سراقه
لكن شايفاك فى أحلامى
زمام الناس كده فى ايدك
زعيم الخلق قدامى
وكل الكون بتتحكى
عن أحلامك عن أفلامك
عن الأشعار وأيامك
عن الفرحة اللى فيك تزرعها
جوه الناس
وحزنك يكسر الأيام ويجرح
قلبك الحساس
حبيبى الدنيا ديه مظاهر
وأنت فى حزنك آه وصمتك
شيء متخفى مش ظاهر
وسلملى على الأيام
على قلبك هنا الطاهر
عالفكره يا عمرى هتتجوز
ويمكن ابنك الأسمر
هياخد بنتى البيضة
ولما أرجع بعد سنين
ويكتبوا اسم قصتهم
زينا على الحيطة
حبيبى العشق حرية
ولكن عمر يا عمرى ما تبقى
الصورة يا صعيدى
فى فكرى لحظة منسية
حبيبى العشق حرية