كل الفلول
الجمعة 28 سبتمبر 2012
كتب
احمد عبد العليم
كل الفلول بتهاجر
وترجع حزبها
كل الفلول متفقة
ع السرقة بين بعضها
مصر اللى بتلمنا
مطاريد بلاد كلنا
نخرب على شعب نفسه
وأمله يعيش وسطنا
لو كنا بنحبها
لازم ننهب كمان
منسبش حتة.. لحمة
لفقير أو كان جعان
نسرق من ناس كتيرة
مظلومة فى أرضها
والاسم مصريين
والشعب اهو شعبها
لو كنا بنحبها
يبقى هنسرق تملى
منسبش حاجة لدنيا
ولدعبس ومتولى
ده فى بلدان كتيرة
هتضيع على حسها
يشحتوا على باب الله
ونبور فى أرضها
كل الفلول بتهاجر
وترجع حزبها
كل الفلول متفقة
ع السرقة بين بعضها
