الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

الجرس

الجرس
الجرس




كلمات  مجدى نجيب

رسوم مجدى الكفراوى


عنقود كلام .. زى الجرس
فوق الطريق
دندن بصوته البرتقالى للقمر
صهلل بروح مليون فرس سواح
بيلضم فى الغنا
طاير فى قلب الريح بيقطف م الندى
ويحش قلب الخوف ويرمى ع الجبين:
ضلى أنا
ضلى اللى فارش مصطبه
وعيال بتنده للنسيم
صوتك جرس
واحد بيدن جوه مدنه من نحاس
صحيوا الطيور
صوت الكناريا خلى غيط الشوك سنابل
شمس تكبر ع الغيطان
الكلمه فارس فوق جبينك مبتسم
والريح عيونك .. والجرس
همّا العيال .. صحوا القمر