الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

واحة الإبداع: حبيبتى ليه بتعاندينى

واحة الإبداع: حبيبتى ليه بتعاندينى
واحة الإبداع: حبيبتى ليه بتعاندينى




كتب: مصطفى أبو طالب


يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات بريشة الفنانين سيف وأدهم وانلى

حبيبتى ليه بتعاندينى
وتنسينى
وكل ما اجى على بابك
واجيب الصبح ف اديا
بتاخدى منى نور الصبح
وترمينى
اقول يمكن دى زعلانه
واجيلك تانى اراضيكى
واحس ان انتى محتاجه
امد اديا لأديكى
ولما ف يوم طلبت انك تساعدينى
سيبتينى
وسيبتى الحزن يستنزف دموع عينى
وانا اللى عملت من طينك
قصور ليكى
أنا اللى الغرب لو عابو
فى يوم فيكى
بكون أول نفر واقف
واضحى بروحى وافديكى
أنا عندى أموت ليكى
أموت عشان تعيشى إنتى يانور عينى
ومهما يامصر تنسينى
ومهما كمان تعاندينى
هاموت ليكى
لأنى ياغالية من الآخر
بموت فيكى