ابداع
روزاليوسف اليومية
لما كانت دماء شهدائنا التى روت أرض سيناء هى الأغلى والأطهر، ولما كانت أرواحهم الذكية سببا فى أن نحيا مرفوعى الرأس بين الأمم فكان حرى بنا أن نحتفل بهم فى ذكرى انتصارات أكتوبر فى عامها الـ39 بتقديم روائع الإبداع لإحياء ذكراهم العطرة، حيث خصصنا هذه المساحة لنذكر قراءنا ونتذكر معهم أهم ما كتب شعرا ورسما لمبدعين عايشوا حرب أكتوبر وتعايشوا معها فكان هذا نزقته أقلامهم وريشاتهم، فبأقلام أحمد شفيق كامل وصالح جودت وعبد الرحيم منصور وفؤاد حداد وأحمد فؤاد نجم وزين العابدين فؤاد وعلية الجعار وريشة الحسين فوزى ومأمون وعبد الحليم البرجينى نحتفى بالنصر والشهداء.
خلى السلاح صاحى
شعر: احمد شفيق كامل
خلى السلاح صاحى صاحى صاحى
لو نامت الدنيا صاحى مع سلاحى
سلاحى فى إيديا نهار وليل صاحى
ينادى يا زوار عدونا غدار
خلى السلاح السلاح صاحى صاحى صاحى
...........
خلى السلاح صاحى صاحى صاحى
لو نامت الدنيا صاحى مع سلاحى
سلاحى فى إيديا نهار وليل صاحى
ينادى يا زوار عدونا غدار
خلى السلاح السلاح صاحى صاحى صاحى
...........
خلى السلاح صاحى صاحى صاحى
لو نامت الدنيا صاحى مع سلاحى
سلاحى فى إيديا نهار وليل صاحى
ينادى يا زوار عدونا غدار
خلى السلاح السلاح صاحى صاحى صاحى
دولا مين
شعر: أحمد فؤاد نجم
دولا مين ودولا مين
دولا عساكر مصريين
دولا مين ودولا مين
دولا ولاد الفلاحين
دولا الورد الحر البلدي
يصحى يفتح اصحى يا بلدى
دولا خلاصة مصر يا ولدي
دولا عيون المصريين
دولا مين ودولا مين
...........
دولا القوة ودولا العز
دول راضعين من أطهر بز
هز يا هلال هلالك هز
واحنا وراك ملايين جايين
دولا مين ودولا مين
...........
دولا اخواتنا ودولا بنينا
دولا الأمل اللي مخلينا
دولا المجد اللي مخلينا
فوق الجرح نعود سالمين
دولا مين ودولا مين
دولا يا سينا ولاد الشهدا
دولا التار لا ينام ولا يهدا
خلي ترابك يسكن يهدا
ويضم الشهدا الجايين
دولا مين ودولا مين
الله أكبر
شعر: عبدالرحيم منصور
بسم الله... الله أكبر بسم الله بسم الله
بسم الله... أذن وكبر بسم الله بسم الله
نصرة لبلدنا بسم الله بسم الله
بإدين ولادنا بسم الله بسم الله
وأدان على المدنة بسم الله بسم الله
بيحيى جهادنا بسم الله بسم الله
الله أكبر أذن وكبر
وقول يارب النصرة تكبر
...........
بكفاحنا يا مصر بسم الله بسم الله
تاريخ النصر بسم الله بسم الله
جنود الشعب بسم الله بسم الله
بتخطى الصعب بسم الله بسم الله
الله أكبر أذن وكبر
وقول يارب النصرة تكبر
...........
سينا يا سينا بسم الله بسم الله
أدينا عدينا بسم الله بسم الله
ماقدروا علينا بسم الله بسم الله
جنود أعادينا بسم الله بسم الله
الله أكبر أذن وكبر
وقول يارب النصرة تكبر
سمينا وعدينا
شعر: علية الجعار
جمعنا كل قوتنا وساندتنا عروبتنا
وسمينا وعدينا وإيد المولى ساعدتنا
سمينا وعدينا
وشقينا طريق النصر
وإيد المولى ساعدتنا
ورجعنا إبتسامة مصر
خيوط الفجر بتنور
وكل الشعب بيكبر
وفى رمضان وبالإيمان
أراضينا بتتحرر
وشقينا طريق النصر
ورجعنا ابتسامة مصر
فى شمس الضهرية
شعر: فؤاد حداد
وطلعنا فى شمس الضهرية
وسلاحنا يغنى الحرية
والحق اللى بيدن مصري
ومعانا القوة المصرية
والحق بيدن عدينا
بحراوى صعيدى ومدينا
والسور الظالم هدينا
والحنة سويسى على ايدينا
من كل محافظة ومديرية
...........
والحق بيدن قدامى
ومعايا شبابى وأحلامي
وتاريخى وأرضى وأيامي
رمضان الفجر الإسلامي
وهلال الغزوة البدرية
ومنارة يوليو الثورية
والحق بيدن ع المدنة
ردينا كرامة أجدادنا
ردينا اللقمة لأولادنا
والراية على أرض بلادنا
بترد النسمة بحرية
صباح النصر
شعر: صالح جودت
صباح النصر يا مصريين
رديتوا الظلم على الظالمين
والنصر لمصر
والليل أهو فات
وفى ست ساعات
عديتوا البحر
خلصتوا التار
ومحيتوا العار
وصنعتوا الفجر
صباح النصر يا مصريين
رديتو الظلم علي الظالمين
والنصر لمصر
الحق اهه بان
علي نور رمضان
ابو ليلة القدر
والمجد اهو عاد
وكأنه ميعاد
مع غزوة بدر
والحرب لسه فى أول السكة
شعر: زين العابدين فؤاد
الفلاحين بيغيروا الكتان بالكاكي
ويغيروالكاكي بتوب الدم
وبيزرعوك يا قطن ويا السناكي
وبيزرعوك يا قمح زرعة علم
وبيدخلوكي يا حرب فحم الحريقة
وبيزرعوكي يا مصر شمس الحقيقة
وإنت ميدان الحرب سينا البداية
إنت جنينة الصلب والنصر راية
إنت البكا والغلب إنت الرحاية
إنت البارود والحب والحرب جاية
غنوا التلامذة الصبح للحرية
الفلاحين ضموا غيطان القمح
رفعوا الرايات بالفجر متندية
رفعوا السنابل بنادق
عبوا البنادق بارود
على الربابة بغنى
شعر: عبدالرحيم منصور
حلوة بـلادى السـمرة
بلادى الحرة بلادى
وأنا على الربابة بغـنى
م املكـش غـير
إنـى اغــنـى وأقـول
تعــيــشـــى يا مـصر
وأنا عـلى الربابـة بغنى
م املـكـش غـــيـر
غنوة أمل
لـلجنود
أمل للنصر
ليكى يا مصر
وأنا على الربابة بـغـنى
اغنى وأبارك
كل خطوة
تعدّى تعدّي
ع الـطريـق الصعب
تحيا مصر
وأنا على الربابة بغنى
وبـغـنّى
غـنوة الحـرّية
قول معايا يـا شـعب
تحـيا مـصـر
حلوة بلادى السـمرة
بـلادى الـحـرة بلادى
وأنا على الربابة بـغـنى
يا عاشـق ومـغــنـي
وإيه هـــكـون
جـنـب عـشاقك
يا مصر
وانتى اللى مبتنسيش
ضناكى دمّه ع التراب الحُر
فداكى يامـصر
