واحة الإبداع: حلم بطىء

كتب: أحمد أمين


يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات بريشة الفنانين سيف وأدهم وانلى

بلاش تعويق يا حلم بطىء
زهقت أوى وما عودت بطيق
بتتسكع وبتتلكع
وجاي من 100 طريق وطريق
ورغم ان الطريق سالك
تسيبه وتمشي ف المعووج
شايفنى هقع ومش مالك
وبردو بتمشى عكس الموج
ولو خطوة تاخد ثانية
تاخدها انت يادوب ساعة
عشانك هكره الدنيا
كفاية سماجة ولكاعة
شايفنى مابين همومى غريق
ويوم عن حياتي ف ضيق
مهانش عليك مفكرتش
تقول كلمة تبل الريق
وذللى بشوفه لجل القرش
ف عيب مش ناقصة ما تهزرش
وسوق دوغرى وما تتأخرش
وخف شوية من التشويق
ولو مش جي قول مش جي
بلاش تعمل مفيش لك زي
وترسملي ضلمك ضي
وبطلع ضي نار وحريق
وادينى سنين بناديلك
بخاف من كتر تأجيلك
لافكر مرة واجيلك
تكون لا شيء
يا حلم بطىء