أمين: بصبح كل يوم على مصر بجنيه

كتب:محمد قبيصي


 قال الإعلامى تامر أمين، إن الهاشتاج «صبح على مصر بجنيه» تصدر لليوم الثالث على التوالى على موقع التواصل الاجتماعى «تويتر».
وأشار أمين، خلال تقديم برنامج «الحياة اليوم»، على قناة الحياة، مساء امس الاول: «السؤال هنا يا مصريين صبحتم على مصر النهارده، صبحتم على ماما النهارده، أنا عن نفسى بصبح على ماما كل يوم وببوس إيديها وبصبح على ماما الكبيرة وهى مصر بجنيه».
وقال تامر أمين، إن معايير الزواج اختلفت كثيرا عن الماضي، لافتًا إلى أن شروط الأزواج أصبحت تنحصر بالشكل الخارجى وأضاف «أمين»، «أنا لما جيت أتجوز كان ليا شروط ومنها انى اتجوز واحدة مقبولة شكلا وطبعًا مش هتجوز واحد صحبي.. وتكون ست بيت وبنت اصل ومتدينة»، متابعًا أن شروط الزواج حاليا اصبحت: «البنت لازم تكون مزة وروشة ومتفتحة وعندها 12 صفحة على الفيس بوك والواد يكون روش ومسقط البنطلون وعامل شعره سبايكي.. والنموذجان دول لو اجتمعوا بيكونوا بوجى وطمطم ودول ناس رايحة تسهر مش تتجوز».