قصيدة خيط

كلمات – عبد الرحمن الأبنودى
رسوم – مجدى الكفراوى

الليل جدار
إذا يدن الديك
يطلع عليه النهار
وتنفلت من قبضة الشرق
الحمامة أم الجناح
أم الجناح الأبيض فى عيون الصغار
آه يا حبيبتى يا أم خصلة مهفهفة قلبى اللى
مرعوش الأمان لسه بيحلم بالدفا والشمس
كلمة طيبة وفيها الشفا قلبى اللى كان قرب
يموت لسه بيحلم بالبيوت زى الخرز والدرب
خيط حرير ولاضم كل حيط وفى كل دار
يترش حب الحب غيط يتنفس اللبلاب على
الباب الكبير وبرضه ملضوم بحرير
يا ام العيون الدفاينين لو تعرفى من فين
سمار النيل ؟ منين ؟اوعك ان تقولى ان جوفه
عب طين اسمر لاالشمس فوقه من سنين
لو تعرفى طول السنين على شاب عريان
البدن ودراعاته مكشوفين وانتى عينكى
اسمروا من شيل الحنين ولأنهم متكحلين
بشىء حزين بشىء فى كل عيون صحابى
الطيبين اللى فى عينيهم انتظار واليل جدار
اذا يدن الديك من عليه يطلع النهار