واحة الإبداع أنا والقلم

كتب: إبراهيم فراج

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]
قلمى مخاصمنى
بقاله كام يوم
مش راضى يكتب حاجة
وأصبح مريض مهموم
كان فاكر انى حطاوعه
وحعيش منافق يوم
وابرأ بسنه ظالم
واحكم عل المظلوم
تعبت وياه معانده
وعشت معاه اللوم
صابر عليك يا قلم
بقالى معاك كام يوم
والله لو ما اتعدل حالك
لأضربك قلم ما تقوم
إياك فاكرنى حطاوعك
وحعيش منافق يوم
طول عمرى حر وجرئ
ولاعمرى حبقى عرة قوم
يا تعيش معايا بأدب
يا متجبش عليا اللوم
خليك حنين ياقلم
وما تشمتش فينا القوم
والله لو ما اتعدل حالك
لأضربك قلم ما تقوم
وأزرع فى سنك الم
يألمك وتحس بالمظلوم
وأحلف عليك يا قلم
وأهجرك م اليوم
لو يوم اشتراك منافق
أو جيت ع المظلوم
كفايه هم وألم
كفايه ذل ولوم
بحلفك بالله ياقلم
ما تبعش نفسك يوم