مذيعة نفسنة: «أنا أهلاوية وإللى عايز يحبنى على كده أهلاً وسهلاً»

كتب - محمد قبيصى


قالت الفنانة بدرية طلبة، إنها تشجع فريقى الزمالك والأهلى وتحب الفريقين، مؤكدة أن أصلها اتحاداوى، لتعلق الفنانة شيماء سيف، قائله: «يا واعية مش عايزة تخسرى حد».
وأضافت شيماء سيف، خلال برنامج «نفسنة» على قناة  «القاهرة والناس»، امس الاول، «أنا أهلاوية، وبشجع الأهلى، وماليش فريق تانى، واللى عايز يحبنى كده يحبنى، واللى مش عايز as you like».
وروت بدرية طلبة، أن هناك شخصين تمت خطبتهما بعد وصولهما لسن السبعين، معلقة: «هما دلوقتى اتجوزوا، وهايخلفوا فى الترب».
وأضافت بدرية مخاطبة الفنانة شيماء سيف، قائلة: «كده فيه أمل، وإوعى تفقدى الأمل، هتتجوزى فى التسعين فى السبعين، كل شىء بأوانه»، وعلقت «سيف» ضاحكة: «يا بنتى هو أنا ليا سنان للبندق».