القرموطى: «يعمل اللى هو عايزه .. وياما غزلنا برجل حمار»

كتب - محمد قبيصى


  رد الإعلامى جابر القرموطى على ما تردد عن مغادرته قناة «أون تى فى»، عقب بيعها لرجل الأعمال أحمد أبو هشيمة، قائلًا: «سيبوا المالك الجديد يعمل اللى هو عايزه، أنا عقدى لنهاية شهر 6 ولما ييجى شهر 6 هقولكوا، ولازم نهدى لما المالك الجديد يشوف حاله، ولكن اللى يطلع من الأون تى فى لا يجرح فى القناة أو يشهر بها؛ لأنه ليس من شيم الناس اللى عندها أخلاق».
وأضاف «القرموطى» خلال برنامجه «مانشيت»، عبر فضائية «أون تى فى»، امس الأول: «القناة مثل العمارة، المالك الجديد بيشوف أدوار العمارة وسمعة الساكنين بها، وأعطوا الراجل فرصة عشان يشوف حاله» وتابع: «أبو هشيمة لم يشتر قناة وإنما اشترى تاريخا، والعاملون فى القناة بذلوا مجهودا كبيرا، وياما غزلنا برجل حمار، وإحنا بنعمل من الفسيخ شربات بالعافية».