مجزرة بين عائلتى الجناينى والعبد بالغربية

كتب - إبراهيم جاب الله

شهدت قرية شوبر التابعة لمركز طنطا بمحافظة الغربية مجزرة بين عائلتين فى « الغيطان» فى وسط النهار بسبب خلافات على حقوق الجيرة فى الارض الزراعية .
تحرر المحضر رقم 22080 لسنة 2016 جنح  مركز طنطا بالواقعة بعد تعدى أبناء العبد على أبناء عائلة الجناينى فى أرض زراعية باستخدام سلاح نارى وأسلحة بيضاء أدت الى احداث اصابات بالغة بأبناء عائلة الجناينى.. تعود تفاصيل الواقعة كما تم ذكرها فى محضر نيابة مركز طنطا الى وجود خلافات سابقة بين الطرفين  حيث  أثبت المحضر حضور المدعو ابراهيم  الجناينى للبلاغ عن تعدى كل من مصباح مخلوف العبد ونادر مصباح ومحمد سلامة شلبى وابراهيم مصباح العبد وعادل العبد وحسين مخلوف العبد  حيث قام هؤلاء بالتعدى على ماهر الجناينى وصلاح الجناينى ومحمد مصطفى الجناينى وحامد الجناينى.. وكشف محضر النيابة أنه بسؤال أبناء عائلة الجناينى وذلك أثناء تواجدهم فى مستشفى طنطا الجامعى للعلاج ثبت بالكشف العام على المصاب صلاح الجناينى وجود جرح قطعى بفروة الرأس وجرح قطعى بالأذن اليسرى والساق اليسرى وطلقة خرطوش بالساق اليسرى.
وبسؤال صلاح الجناينى عن الواقعة قال: اللى حصل انه كنت رايح الارض بتاعتى عند حوض الزيتون بقرية شوبر وبعدها قابلنى جمال العبد وبيشتمنى وبيقولى انزل من على الحمار ولما نزلت ضربنى بشومة على أيدى الشمال وبعدها جرى ولما رحت الارض بتاعتى وكان معايا ماهر الجناينى أخويا وابراهيم الجناينى ابن اخويا.. وتابع صلاح الجناينى: لما كنا بنسقى الارض  لقينا نادر مصباح وعادل الحسينى وابراهيم مصباح العبد ، وكان نادر معاه فرد خرطوش وبيقول : لازم تموتوا فى الأرض وعادل معاه سكينة وابراهيم كان معاه عصاية وبعدين لقيت نادر دخل عليا بالسلاح وضربنى طلقة فى رجلى الشمال ولما وقعت من الطلقة عادل دخل عليَّ وضربنى بسكين على دماغى ولما حاولت أقوم ضربنى بسكين تانى فى فخذى الشمال وابراهيم ضربنى بالعصاية على دراعى الشمال وعلى عينى وبعدها اغمى علىَّ ولما فوقت لقيت نفسى فى المستشفى.. فى المقابل رفض  نادر مصباح العبد ويعمل فنى ثانى بمصنع 144 حربى ومقيم بقرية شوبر  الاعتراف أمام النيابة بإحرازه سلاحًا ناريًا «فرد خرطوش» وقال « انا معرفش هما قالوا علىَّ كده ليه «أما علاقتى بمصطفى الجناينى وصلاح الجناينى فإحنا قرايب من ناحية الجدود ومافيش خلافات بينا.