واحة الإبداع.. مصر يا غالية يا أجمل وطن

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]


مصر ياغالية يا أجمل وطن

كتبت: شيماء يوسف - المنصورة

ليك فى قلوبنا مقر وسكن
أرضك ونيلك وعطر هواك
شمسك وقمرك وروعة سماك
من ربى هبات وأجمل منن
عشانك يابلدى نهد الجبال
نعبر حدود ونخوض المحال
ونحمى ترابك ياأصل الجمال
دا شعبك أصيل لحبك يميل
وجيشك حاميك وعليك يؤتمن
يهون عشانك المال والنفوس
ونخليك يا مصر شمس الشموس
مهما كان لعلو شانك يا غاليه التمن
بحبك يامصر بكل اللغات
وحتى لو تقسى عليّ ساعات
حبك فى دمى ليوم الممات
دا حبك عندى فريضه وسنن
تاريخك عظيم لآلاف السنين
تاريخ بيضرب فى عمق الزمن
واللى يخونك عارف مكانه
مزبلة التاريخ مكان العفن
عشان شربنا من مية نيلك
مهما بنبعد تانى نجيلك
ونكون شموع تنور فى ليلك
ونخطى بيك على كل المحن
ولا عمر يصيبك فى يوم الوهن
حاميك ولادك يوحنا وحسن
مسلم مسيحى يدوبو فى حبك
وانتِ بدورك حطاهم فى قلبك
ويشتاقوا دايماً يامصر لقربك
ويقولوا فداك الروح والبدن
 يامصر يا غالية ياأجمل وطن