«مش عاوزين شبكة» مبادرة تتحدى أسعار الذهب

كتبت - مى فهيم


بعد ارتفاع أسعار الذهب بشكل جنونى خرجت عدة مبادرات تنادى بضرورة إلغاء الشبكة الذهب التى يقدمها العريس للعروس فى الخطوبة، والتى عادة ما تكون مصدر التباهى والتفاخر بين العائلات، وتختلف قيمة الشبكة من عائلة لأخرى وفقا لاختلاف العادات والتقاليد لكل محافظة، فهناك من يلزم العريس بشبكة لا يقل ثمنها عن 70 ألف جنيه فى بعض الأحيان وهناك من الأسر من يتساهل مع العريس من مبدأ التيسير فى الزواج ويكتفى بدبلة فقط تخفيفا على العريس.
وأطلق رواد مواقع التواصل الاجتماعى هشتاج بعنوان #عايزين نلغى الذهب» لإلغاء الشبكة الذهب للمقبلين على الزواج لتخفيف أعباء الزواج نظرا للارتفاع المبالغ فيه لأسعار الذهب، فيما أطلق شباب بمحافظة المنيا مبادرة «زواج بدون ذهب» للمطالبة بإلغاء الشبكة للحد من المشكلات التى تتسبب فى تأخر سن الزواج.
«احنا بنشترى راجل.. الشبكة هدية العريس» هى الجملة الأشهر التى تتردد على لسان أهل البنت غالبا فى الحديث عن الشبكة ولكن هناك من الأهل من يتمسك بضرورة عدم التفريط فى حق البنت ويرفضون الغاء الشبكة، حيث قالت سميرة أمين - مدرسة - « البنت لازم تكون مستوعبة معاناة ارتفاع اسعار الذهب .. ممكن تكتفى بدبلة فقط والشبكة تكون ذهب صينى وفى نفس الوقت الأهل يتفقون على قيمة الشبكة مثلا لو 10 آلاف جنيه تتكتب بالجرام فى القيمة وكده يبقى البنت حفظت حقها وهيسهل الزواج للشباب».
واتفقت معها انشراح زايد - وكيلة مدرسة- أم لفتاة وشاب وقالت «هوافق على الدبلة بس كفاية المصاريف على الشباب كفاية الشقة والعفش كده إرهاق على الشباب ومفيش شغل وظروف البلد صعبة لازم يكون فى رحمة».

بينما رأت مني محمود- ربة منزل- أن الشبكة ضرورية ولا يمكن الاستغناء عنها وقالت" لازم يكون في شبكة حتى لو رمزية ب 3 آلاف جنيه .. العريس هيفرح لو تعب وجاب حاجة قيمة لخطيبته حتى ولو بسيطة والعروسة هتفتخر به وهتحس أنه بيتحمل المسؤلية حتى العفش والشقة تكون حسب مقدرة العريس ومنضغطش عليه بس لازم نحافظ على حق البنت اللي ربنا قال عليه".

ورفضت بسنت هشام - مدرسة إنجليزي- 29 سنة- فكرة الذهب الصيني وقالت " مبقاش في مهر وكله بيتقسم بالنص بين الطرفين في الجهاز .. مش هنطلب حاجة غالية أو فوق طاقته بس يخطبها بدبلة ويجيب اللي يقدر عليه بعدين .. إذا مش هينحت في الصخر علشان البنت اللي بيحبها هيتحمل مسؤلية بيت وأولاد إزاي ... أنا مش هرضي لابني يتجوز من غير شبكة لازم يقدرها ويفرحها ويحسسها أنها غالية قوي وأهلها يحسوا أنه شاريها وتعب علشانها."

ورفعت نجاة السيد _ أخصائية اجتماعية_شعار " الرحمة فوق العدل" وقالت " لازم يبقى فيه رحمة.. الشبكة الفضة ممكن تبقى الحل والشبكة مش هي الضمان لسعادة البنت في الزواج".