بقينا نحاس
محمود نبيل العيساوى
كتب - محمود نبيل العيساوى
لو كان مماتش
أو فزنا ماتش
أو ساب محمد من زمانة
تلت دقايق ليا أنا
كنت أجرى ع النوم مبتسم
حامل ماضيا لمراتى فى منامها بقرص نحل
لو كان مماتش
كنت اختليت بالفرحة كالعابر سرير
آخر ما ف الجبين من صبر
ع الغربة والأسف الشديد
ع الليل وطوله طول ماطوله فى أوله
ع الموت قريب أو بعيد
يانبرتين القلقلة وقلاقل الحكى الشديد
آخر ما فى القلم من حبر
يرصد تأمل عبمريد
المبدأ المكبوت
فـ صدور ولاد الحى
حى لكن أسير
فى عيون صبية مذنبهاش تتخان
كل اللى راح دخان
وانتى الحقيقة الحرة فى بلادى
رغم إنها أوهام
قلبت راسى النجمة الدايرة شمال ويمين
طلعت فى الضهر
وأنا مش قد قلب الزهر
ولا بعرف ابكى اصحابى غير فى الليل
يلزمنى ميدان فاضى وهمدان
بروايح كل حبايب الماضى مليان
رمت النجمة الوردة ورمحت ترمى الورد لكل عليل غلبان
عيط مصطفى من كتر الفرحة بضحكة طفل من الأحزان
شوفى يانجمة
العمر بيلعب عكس عكاس ازاى
شوفى وصلنا لجلد الذات
وفشلنا وسبنا التصفيات للناى
الحكى طويل
من يوم صلونات اتنين ماترشت كالدمع المحتاس
واندارت روس الكل على الكل
ماكل الكل فى قلب الكاس
وبقينا نحاس.
