محلا العيد
محلا ليالي العيد والكل سعيد
محلا ليالي العيد والكل سعيد
فرحة بتجمع شمل قريب وبعيد
نفرح نتهنى وقلوبنا تتمنى
والنسمة جايَّلنا بمواعيد
من فجره بنكبَّر والدنيا بتنوَّر
واللبس والمظهر فـ جديد
السعد بيواكب زي شمس وكواكب
للماشى والـراكب وبعيد
اللَّمة والعلة والصحبة فيه جميلة
بنعيشه كام ليلة دا فريـــد
بيقرَّب الغايب الكل فيه حبايب
والفرح فيه صايب ومزيد
أطفال ومورجيحة بساتين فـ تصبيحة
النسمة فيه مريحة وبتزيــد
سجدة وتكبيرة وملايكة فيه كتيرة
والتمر تصبيرة ومفيــد
شوارعنا بتلالي وطريقنا مش خالى
تكبير بصوت عالى وترديــــــــد
الحزن فيه ساكن ولا قلب فيه داكن
والكل فـ أماكن وسعيـد
أبوالحسن حسن عكاشة