فاطمة ناعوت بعد عودتها «عاوزة أخلص من المهزلة دى ولو مصيرى السجن»

كتب - محمد خضير

قالت الكاتبة الصحفية فاطمة ناعوت: إن الكلام يعجز عن التعبير عن شعورها بعد العودة إلى مصر امس الاول ، مضيفة: «مش عارفة أوصف شعورى عمرى ما قعدت الفترة دى بعيد عن مصر أنا مريضة بمصر».
وأضافت ناعوت خلال لقائها مع الاعلامى عمرو اديب من خلال برنامج «كل يوم»، على قناة «أون اى» امس الاول أن أسرتها كانت فى استقبالها بالمطار وماكنتش خايفة يتقبض عليها: «أنا ماشية قانونى ولسه عندى استئناف».
وقالت: «أنا كنت فى كندا وأمريكا ورحت الإمارات خلال السبعة شهور اللى غبتها والإمارات قد إيه بتعرف تقدر الإنسان ورغم ذلك لم أكن سعيدة هناك».
وتابعت: «أنا كنت فى مهمة صحفية وأنجزتها وأنا عاوزة أخلص من المهزلة دى فى القضية ده ماكنش بوست كتبته على فيس بوك أنا هحضر الجلسة وأنا واثقة فى براءتى وأحترم جميع الأديان»
أضافت: «أنا من أربعة شهور وأنا مش قادرة أقعد بره وقتلنى الحنين لكل حاجة فى مصر وكنت أحترق شوقا للرجوع إلى مصر حتى ولو كان مصيرى السجن».