حبة دفا

اللوحات بريشة الفنانة
منى عليوة

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


ياسر مصطفى - الفيوم

 

حبة دفا
ساعة حزن تبقى الوفا
حبة دفا وقت الذكرى ما تمر
امام عيون الجدع
لجل ما تهوّن جراح الفزع
النسيان
النسيان فرض عين
على كل اللى اتوجع
وقلبه من العشق إنفطر
حبة دفا
يا عشمانين فى الُلقا
يا لحظة صدق
على جبين الزمن
حبة دفا..
تروى كل عطشان
للجفا..!!
سارح جوا منه مليون وجع
قلبه صادف وحدته
سارح تايه
عشمان وجعان
يروى العطش
م الوجع
حبة دفا..
تكفّر عن الزمن الذكرى
وكسر الوعود المُنكرة
وأى كدبة أتحسبت ملفقة!!
ونظرة مانعة الدمع عن الورىَ
حبة دفا
ننسى بيها اللى كان
واللى كان فى يوم هنا
والزمن والذكريات والفنى
حبة دفا
نبدأ بيها الحياة اللى نسينا خيرها
لجل ما تبقى لينا ذكرى
نتمنى نفتكرها
ويبقى لينا حبة وجع
دا من غيره
ما تبقىَ للحياة معنى
يا سارقين الزمن منى
وسارقين الذكرى
قلبى من الفراق كفر
بكل ذكرى حلوة
بكل عِشق مُنتظر
بكل نظرة مشفقة
ع الحال المُعدمة
حبة دفا
حبة دفا للجبين
اللى مكتوب عليها
يحقُ لصاحبها الحنين
ويجوز لها الصدقة
بحبة دفا..!!
حبة دفا
يمكن للقلب يحنّ ويُؤمِن
باللى زمان بيه كفر..!!