واحة الإبداع.. أبو سويلم

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات بريشة الفنان
عصام طه



أبو سويلم


كتب: هانى عبد الجليل

لاجل الطريق ما يوصل لباب فيلته
لازم يمهد سكته
لازم لنار فى قلوب غلابة
لاجل البيه ما تكمل جنته
الشنب مش بس حبة شعر منبتين
الشنب بالنسبة ليه عرض ودين
يوم مااتحلق بطرف شاله يدارى وشه الحزين
وقفت فى عينه دمعتين متعلقين
أصعب دموع مش اللى بتجرى على الخدين
أصعب دموع اللى بتمسك بأيدها فى رمش العين
رافضه النزول
رافضه الرجوع
بالرغم ان القلب مليان بالدموع
ودياب لما حاول يواسى بلوته
ضحك.. ولما زادت ضحكته
بسرعة نزلت دمعته
أصل الضحك بيوجع وشوش الشقيانين
لأنهم والحزن عشرة سنين
يصعب عليهم فراقه يصعب عليهم أن يكونوا فرحنين
الله عليه أبوسويلم يوم ما قال
كنا رجاله ووقفنا كما  الرجال
مر الزمن وأصبح قوله مثال
بنردده فى وقت قلت فيه الرجال
الأرض عرض قالوها زمان
والأرض عنده وطن ما يتهان
الأرض يا أبوسويلم  مش عايزة بس الميه
الأرض عايزة الدم مش بس حنيه
اسحب جذوره و اقلعه
نخلة مزروعة من ألف عام
اربط فى رجله اخلعه
فلاح فى حضن أرضه نا