واحة الإبداع.. فين حلمى؟

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات بريشة الفنانة
هالة شافعى


فين حلمى؟


كتب: ممدوح الطنطاوى

يا طيبين دلوني
الحلم فين الاقيه؟
أنا شيلته جوا عيونى
سنين حافظت عليه
قولوله ليه سابني؟!!
قولولى فين أراضيه؟
لو كان زعل منى
أروح عشان أراضيه
قالولى حلمك راح
هتدور تدور ليه؟
يا عم نام ارتاح
من غير ما تبكى عليه
آهين وآه يا جدع
جايين تقولوا إيه؟!!
نايم ف حضن الوجع
وانا ال حاسس بيه
آه يا زمان البدع
أنا ليسه عايش ليه؟!!
مركب شراعه انقطع
ف البحر يعمل إيه؟
مليون نهار انسرق
طول عمرى بحسب فيه
قلبت كل الورق
اللى كتبت عليه
عينيا موش شايفاه
قعدت ادور فيه
مالقيتش غير الآه
وألامى طبعت فيه
أدن أدان الفجر
ففضلت سامع ليه
ربى هدانى الصبر
فرميت حمولى عليه