مبروك جالك بنت ..

عالم البنات مليء بالأسرار ولا يعرف تفاصيله سوى البنات لذا قررنا منح هذه المساحة للبنات ليعبرن   فيها عن أنفسهن والحديث عن المشكلات والهموم والقضايا التى تشغل بالهن ويرفض المجتمع  فى  كثير  من  الأحيان  الاستماع  إليها. ويمكن التواصل والمشاركة فى هذا الباب عبر البريد  الإلكترونى:

 [email protected]



مبروك جالك بنت ..

 كنت بشرب كباية مايه وفجأه لقيتنى غرقت

 الخبر نزل عليا وفى ساعتها سورقت
ومن صدمة قلبى، فى نفسى اتكعبلت

وما فقتش إلا على صراخ البنت

والناس بتنادى مبروك يا أبوالبنت

أنا خلاص كده حقيقى اتجننت

ياميلة بختى، يا قلبى اللى مرضت

كان نفسى فى ولد، مش مجرد حتة بنت !!
ولد يقف معايا يبقى سندى

يقوللى يا بابا وأقوللوا يا ولدى

يصوننى ويصون عرضى

ويساعدنى وقت مرضى

يريح بالى وقلبى وعقلى

يشيل اسمى ويكون لى شرفى

يكمل طريقى ويشرف عيلتى
يكون
 
 
بدلى فى عدم وجودى، وده كل غرضى

بس مش مهم، يا رب شكرا، أنا كده مرضى

عدت سنه واللى بعدها جت

مراتك ولدت وجابتلك ولد

احمدك يا رب، هسمييه سند

هوده اللى اتمنيته يكون الوتد

عليه أنا وعيلته نعتمد

وفى الحاره ينادونى بأبوالولد

يا زين ماجبت، ده انت خلفت أسد

علينا وعلى أولاد جيرانا يحافظ للأبد
 ..
سند كبر وزاد على البلد
 

يا خيبة أملك يا أبوالولد

اللى كنت فاكره هيطلع سند

لا شغله ولا مشغله، ده لعب للأبد

يابنى ياللى افتكرتك أسد

وهتساعدنى بعد طول الأمد

ياللى حياتى بدأت من يوم ماجيتلى يا سند

ياللى كنت فاكرك أملى وحلمى ما انت الولد

اختك هنا بمليون أرجل ولد

وقفت معايا ظهر وسند

فى وقت ما احتاجتك ومالقيتكش، معقول ده يبقى حسد
 !!
ولا أنا غلطت من البداية لما أعتبرتك كتفى اللى عليه لازم أعتمد
 !
يا حسرة قلبى على فرحتى بولادتك وزعلى على أختك ملك
 !
ده انت اللى جيبك من جيبى ياما أخذ
 !!
يا رب سامحنى أنا غلطان

البنت والولد كلهم سيان

المهم التربية والأصل كمان

وأكيد مش ناسى ان البنت يعنى حنان

أنا بين ايديك راكع، خاضع
‘ ندمان
نجيلى بنتى من مرضها أوام
 

وارحمها من ذنب جهلى واعتراضى زمان

ده من غيرها أنا فى حرمان

وانسالى اللى قولتوا زمان

ولا اللى فكرت فيه ولوحتى فى المنام
 !
ومش هقولك يا ربى أصل وعشان

دى وقفت معايا فى مرضى، ضعفى  وعجزى كمان
وشرفتنى ورفعت راسى فى العلام

وفى الحارة نموزج للأدب والأخلاق التمام

من هنا لآخر عمرى أنا بدعيلك بدموعى حقيقى وندمان

ولكل العالم هقول وأزعق بعلوصوتى مرة واتنين كمان
 
بنت كانت أوولد .. كلنا انساان!!  
 
كتبتها: ريم منيب خريجة كلية علوم جامعة عين شمس وعلى الرغم من شغفها بدراستها وعملها، فذلك لم يمنعها من الكتابة وحبها لها، وأيضا أنشأت مدونة خاصة بها  باللغة العربية