أحمد زاهر: مش بستحمل حد يقرب من بناتى

أكد الفنان أحمد زاهر، إن شخصيته تشبه عادل إمام فى فيلم «عريس من جهة أمنية»، قائلا: «بخاف على بناتى جدًا، وما بستحملش حد يقرب منهم ويبقى أمه داعية عليه».
وقال خلال لقائه فى برنامج «ثلاثى ضوضاء الحياة»، تقديم محمود تركى ومينا نادر وميزو، على قناة «الحياة» أمس الأول «سألت ابنتى مين صحابك بعد التحاقها بالحضانة، فقالت: آدم ومحسن وسامى ووائل ومدحت، فأحضرت والدتها وقلت لها بعصبية شديدة إيه اللى بيحصل ده إزاى كلهم رجالة مفيش بنت واحدة، لازم تعرفيلى العيال دى وأهاليهم مين».
كما كشف زاهر، عن أهم الأسباب التى دفعته لرفض استمرار بناته فى مجال التمثيل، قائلا: «أنا شايف إنهم يبعدوا عن الفن ويركزوا فى دراستهم أفضل ليهم ولمصلحتهم، وبعدين لما يبقوا مدموزيلات لو حد فكر فيهم أن يرجع للتمثيل يبقا يرجع، ولو نسيوا يبقى تمام.