واحة الإبداع.. مخبى إيه يا زمن

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات للمصور العالمى
أيمن لطفى 



 

 

 

 


مخبى إيه يا زمن

مصطفى على عمار

ياترى مخبيلى إيه تانى
 يا زمن
دا أنا تعبت خلاص
من الآهات والآلم
تعبت من كتر الأسية
 والشجن
وانحنى ضهرى
 من الهموم والندم
وتهت وتاهت منى ضحكتى
 بدمعتى
ومعدش ف قلبى مكان
لفرحة ولا نغم     
مكتوب وصابر أنا على قسمتى
يمكن ف يوم ارتاح
من الآلم
أو حتى أنفجر
 وتنام وتهدا جراحى
من الضنا والسهر
واصبح عدم   
سنين كتير عشتها فى الدنيا
مرت زى الثواني
 لكن طعمها علقم
فى الأوله كانت صرختى
 يوم مولدى
والتانية دمعتى
 على خدى علم   
م اللى كتب غلب
والمكتوب أتكتب من الأزل
لما كتب ورسم بدمع العين القلم
قولى وصارحنى يازمن
 أنا اتعودت ع الحزن والآلم
ومتخفش منى مش هقول دا حلم
 قول مخبى هم ولا غم
أوع تقولى فرح
مش راح أسدا إن الحلم
 يصبح علم     
حلم حلمته زمان  يا زمن
ولسه  على بالى
بس ماجانى
نفسى فى يوم أنام مرة
 فى أيامى بلا دموع
 بلا آلم
تعبت والله تعبت يا زمن