صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
عصام عبدالجواد

22 سبتمبر 2017

أبواب الموقع

 

ثقافة

واحة الإبداع.. مش باين

118 مشاهدة

14 ابريل 2017



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
rosareaders@gmail.com

اللوحات للفنان منير فهيم


مش باين


كتبت: دينا الدخس
«من كتاب: وخزات خفيفة»


عايش مدّفى بالعتمة ومش باين
مركب وش على وشى بلون عايم
وباضحك فى وشوش عيرة كما النايم
ساعات أكون كما الرهوان، ساعات كانن
باعولى كلام على جناحات معدية
وضاع فى الهوا ويّا المنادية
وجيت أصرخ وجنبى النار والحرقة
ولسه برضه مش باين
عايش فى العتمة كالخفاش ومش طايق
بصيص النور من الكذاب وم العايق
ونظرة خبيثة مع بسمة ملوية
وبحر سواد جوه قلوب مصدية
عايش فى العتمة مستغنى وبغنى
وأجرب أكون لنور الشمس مستنى
لا بيوصلى نورها ولا بتسمع غنا قلبى
عايش فى الكهف متونس بصفارة
ساعات تبكى وساعات تكون فرحانة
يا عينى ياللى شفت الموت
ولسه فى الحياة بتموت
وبتمنى حاجات جواك بصفارة!
وجيت أجرب يمكن أفهم العادة
طلعلى صوتى بيلومنى بنغم سادة
ولسه بدور ع الطفل اللى جوايا
وبنده على طيرى اللى كان ويايا
يجيلى ساعات بخطوة بطيئة حيرانة
ويرمينى بنظرة لوم ويمسح دمعة هربانة
ويبعد تانى ويسيبنى لموج حزنى
وأرجع تانى للعتمة وأشيل وشى
ولسه معاها أنا عايش ومش باين

 







الرابط الأساسي

الاكثر قراءة

رياح التغيير تعصف بـ «قطر»
«الشقيقات الثلاث» أجساد ناطقة بالألم واليأس!
التاريخ الأسود لـ«رويترز» الوكالة تهاجم مصر بدعم إخوانى قطرى
183 مشروعـًا بـ3 أحياء فى الإسماعيلية
رئيس شركة مينا تردكس للخدمات البترولية لـ«روزاليوسف»: حقل «ظهر» نقلة نوعية فى مجال الغاز الطبيعى وسيجذب استثمارات أجنبية جديدة  
فضيحة فى دورى مراكز الشباب
« قمح بالخشخـاش».. رايح جـاى

Facebook twitter Linkedin rss