أهلا رمضان

كلمات - جمال بخيت
 رسوم – مجدى الكفراوى

قرآن كريم وعظيم
وآياته تنصفني
وبحب تدعيلي
مريم بتحكى لي
النخل هز الجذوع
من قبل ما المسها
فالمهد كلمة يسوع
مين اللى يحبسها
وكل مسلم بقلبه
بالعقل يدرسها
يلاقى مهد وقيامة
وآيات محبة وسلامة
للناس.. تونسها
بيت لحم عارفة الطريق
لو مين يدنسها
الكعبة هية الصديق
ترجم اباليسها
ومصر بين الضلوع
تحرسنى واحرسها
أجمل أدان للصلاة
يحضن كنايسها
ف المهد كلمة يسوع
جبريل يقولها لمحمد
قرآنى جليل المعانى
بالعهد يحفظ أمانى
رب العباد اصطفانى
ووهبنى انجيلى
مريم بتحكى لى