قصف جبهة نشطاء مواقع التواصل: مصر تسترد أرضها المنهوبة.. اضرب كمان يا سيسى

حالة من البهجة سيطرت على رواد مواقع التواصل الاجتماعى بعد مؤتمر استرداد أراضى الدولة الذى عقد أمس الأول للإعلان عن حجم الأراضى التى نجحت الدولة فى استردادها فى خطوة لإنهاء هذه المهزلة تمامًا، إذ أكد أحد رواد الفيس بوك قائلا: «تحيا مصر يا جدعان عشرين مرة خلاص محدش هيقدر يمد إيده ويقول الأرض دى بتاعتى.. دى بتاعة مصر ومحدش هياخد حاجة مش بتاعته.. إحنا مش فى طابونة إللى عايز حاجة ياخدها».
وقال آخر على حسابه على فيس بوك: «السيسى أشجع رئيس على كوكب الأرض والكواكب المجاورة كلها ربنا ينصرك اضرب كمان.. مصر تسترد أرضها المنهوبة منذ خمسين سنة».
وقالت ناشطة أخرى على حسابها: «لما بكون مسافرة بالقطر بشوف كمية مبانى مبنية على أراضى زراعية وبجد بزعل من جوايا أوى المنظر ده لازم ينتهى ونسيب الأرض الزراعية زى ما هى ونبنى ونعمر الصحراء وياريت الناس تحاول تعمل تنظيم للأسرة عشان الناس دى كلها هتعيش فين».
وتساءل آخر على حسابه على تويتر: «فين الناس إللى كانت بتقول الدولة مش هتعمل حاجة ومش هترجع أى أرض أهو أعلنوا أنهم رجعوا أراضى مساحتها أكتر من مليون فدان وفى المهلة إللى قال عليها السيسى كمان وده إن دل على شىء يدل على أن السيسى رجل الأفعال لا الأقوال اتعلموا بقى الكبير هيفضل كبير».
وقال آخر: «تم استرداد 200 ألف متر استحوذ عليها زهير جرانة وزير السياحة الأسبق بمنطقة خليج مكاوى فى مدينة سفاجا، كما تم استرداد أيضا 3000 متر مشيد عليها اسطبل للخيول.. مصر تسترد أرضها المنهوبة».