نشطاء السوشيال ميديا: «الشباب اللى مش عاجبه كحك الجيش مكانه حباطة أو الجفرة»

حالة من الغضب سيطرت على نشطاء مواقع التواصل الاجتماعى بسبب الفيديو، الذى أعده بعض الشباب ويسىء لأحد منتجات كحك العيد التى صنعها الجيش، وقام النشطاء بالدفاع عن الجيش ومجنديه الذين خبزوا بعرقهم كحكاً يباع حاليا فى المحال التابعة للجيش، إذ قال أحد المغردين عبر حسابه الشخصى على تويتر تعليقا على الفيديو «نازل وبيودع ولاده ومش ضامن رجوعه عشان يحمى شوية خواجات مسقطة بنطلوناتها ميعرفوش يعنى إيه رجولة.. الجيش خط أحمر».
وقال آخر عبر حسابه على «فيس بوك»: «بدلاً من معاقبة الشباب بتهمة السخرية من كحك الجيش ودوهم تدريب شهر فى حباطة أو الجفرة أو المليز علشان يعرفوا رجالة الجيش بيعملوا إيه».
وقالت إحدى المغردات على تويتر: «اللى بيخبز ويعجن الكحك والبسكوت مش ضباط ولا جنود دى مخابز مدنية شغال فيها شيفات مدنيين».
«الفرق أن الجيش بيدفع مرتباتهم، وبدل ما تنزل العلبة بألف وألفين بتنزل بخمسين جنيه ومية عشان الطبقات غير القادرة تستطيع التمتع بما يتمتع أمثالك بيه.. الدولة ما تقدرش تحتكر الإنتاج زى الستينيات فبتقوم بمنافسة القطاع الخاص لتهذب من أسعاره وهو ما حدث مع ألبان الأطفال، فبعد أن كانت العلبة بمتين جنيه وطرحها الجيش بتلاتين.
نزل القطاع الخاص بهامش ربحه وبيبيع علبته بتسعين.. الجيش المصرى رجال».