السوشيال ميديا: كل ما الحر يزيد وتشغل تكييفك افتكر أن فى جنود على الحدود من غير مروحة ورق عشان تبقى فى أمان

فى ظل موجة الحر الشديدة التى نعانى منها منذ فترة أشاد نشطاء مواقع التواصل الاجتماعى بجنود الجيش المصرى الذين يقفون على الحدود فى عز النار من أجل حماية الشعب، وحثوا الجميع على الدعاء لهم، إذ قال أحد نشطاء الفيس بوك عبر حسابه الشخصى: «كل ما يشتد الحر عليك وتشغل مروحة أو تكييف وحران افتكر أن جنودنا اللى واقفة على الحدود فى النار دى عشان نبقى فى أمان ادعولهم دايما».
فيما قالت أخرى على حسابها على تويتر: «الصيف وصل ذروته وجنودنا على الحدود بيصبوا عرق وهما واقفين بيحموا الشعب والوطن يارب احفظهم وانصرهم وهون عليهم دة الحر».
وكتب آخر على حسابه على فيس بوك: «بتمر أعوام كاملة بفصولها الأربعة وجنودنا مرابطين على الحدود ما بين حر كاوٍ وبرد قارس اللهم ضاعف أجورهم وهون عليهم هذا الحر الشديد واجزهم عنا كل خير».
وقال أحد المغردين على حسابه على تويتر: «ياريت الناس تجمد شوية ومتبقاش فافى قوى كده علشان شوية حر.. فى ناس شغالة فى الشوارع والمصانع وجنود واقفة على الحدود ولا حتى عندها مروحة ورق.. على الأقل أنت قاعد فى بيتك وسط مروحتك وتكييفك».
وقال آخر عبر حسابه على الفيس بوك: «انشفوا شوية انتوا قاعدين فى بيتكم ومشغالين التكييف والمروحة ومش واخدين بالكم أن فى جنود غلابة واقفين بيحموكوا وبيحموا البلد كلها وهما السبب فى أنكم تهربوا من الحر وتقضوا الصيف فى مارينا والساحل ومطروح من غيرهم كنتوا زمانكم بقيتوا زى سوريا والعراق وليبيا أشكروا وأحمدوا ربنا وأدعوا للناس دى ليل نهار».