نشطاء: الأجهزة الرقابية تظهر العين الحمرا للمتلاعبين بالأسعار

بعد الزيادة التى شهدتها أسعار البنزين الفترة الماضية استغل بعض سائقى الميكروباص ذلك فى زيادة سعر التعريفة المقررة ما دفع الأجهزة الرقابية تعمل على ضبط الأسعار من خلال مخاطبة المحافظين لاستبعاد السائقين المخالفين، وهو ما خلق حالة من التهكم والسخرية من قبل نشطاء مواقع التوصل الاجتماعى على الشامتين الذين أبدوا فرحتهم بسبب هذا الغلاء غير المبرر لاسيما من قبل المنتمين للإخوان، إذ قال أحد النشطاء على حسابه عبر فيس بوك: «الأجهزة الرقابية تظهر العين الحمرا للمتلاعبين فى الأسعار متفرحوش أوى يا خرفان الدولة بتظبط الإيقاع ومش هنولكم غرضكم».
فيما قالت إحدى المغردات على حسابها عبر تويتر: «أى خروف هنسمعه يتكلم ياريت يحط الجزمة فى بقه كل حاجة بحساب والحكومة شايفة شغلها ومش هينفع يبقى فى تلاعب بأى شكل أو صيغة.. اضرب يا سيسى ورينا العين الحمرا عشان نتوب».
وأكد آخر على حسابه الشخصى عبر موقع فيس بوك قائلا: «إلغاء الدعم عن البنزين فده عشان فى ناس معاها ومتريشة بتستفيد ومش من حقها تاخد دعم، إنما السواقين يغلوا أجرة الميكروباص فده مش منطقى واللى بيشمت وعمال يبارك ويهنى من الصبح على الزيادة دى فهو مش من البلد دى وآدى الدولة بتظبط الأسعار والأجهزة الرقابية قايمة بشغلها على أكمل وجه من الآخر اهرى يا مهرى وأنا على مهلى».