رسمة وكلمة :سكوت

بس العيون هى اللى فضحانا
رغم الطريق
بكل لخبطة الملامح والوشوش
مبدور
لمحة فى لحظة مرور
تلاقيها قدامك..
لسعة شعاع من شوق
روح بنت لسه شقيه عشقانه
تتلخبط أقدامك..
ماتتحركش
وانت فى آخر الطريق
روح مجهده
مرعوشه عرقانه
فتحط عينك فى التراب
وتدارى وشك م الشعاع
وتمثل التخبيط ف خلق الله
كما العميان
خطوات بلا معنى
وتغمض العين اللى طول عمرها..
بتقول وتفضحنا

كلمات – أيمن هيبة
 رسوم – مجدى الكفراوى