واحة الإبداع.. رحلة الحياة

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات للفنان خالد السماحى


رحلة  الحياة


شعر - محمود عوض الله -  قنا

دنيا غـــرورة بتلعب بيــــك
تــــاخد أكتر مــا بتديـــــــك
يـــوم بتلاقى حبـايبك فيهــا
بكره بتــاخد أغلى ماليـــــك
بتجمعنـــا بشـــوق وحنيــن
وتفـــرقنــا ف غمضة عين
ناس بتبيع النـــاس وبتنسى
وناس للعشرة أكيد صاينين
واللى بيكدب واللى بيسرق
يامــا ف الدنيا كتير خاينين
لما تقوله ده عيب وحـــرام
يعمــل صـاحب شرع ودين
انت بحـالك ليه مش راضى
تنـــزل تطلع تعمل قــــاضى
مش راح تـــاخد إلا نصيبك
كله كـــلام وتعب ع الفاضى
ربك ديمــــا رب قلـــــــوب
شـــايف الغالب والمغلـوب
تعمل نفسك راجـل نـاصح
مش هتنول غير المكتـوب
احنــا ف قطر وســاير بينا
يــــاما بـــلاد بتمر علينــــا
ومهما يطول مشوار السكة
لمحطتنــا أهــــو مودينـــــا
مهمـا نلف ومهما نطــــوف
احنــا وانت عليها ضيـــوف
ومهمــا تعدى علينـــا سنين
نهايتنــا للموت هنشـــــوف