الخميس 28 مارس 2024
رئيس مجلس الإدارة
هبة صادق
رئيس التحرير
احمد باشا

واحة الإبداع.. يا شمس طلى

واحة الإبداع.. يا شمس طلى
واحة الإبداع.. يا شمس طلى




يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]


اللوحات للفنانة فيروز سمير


 

يا شمس طلى

شعر/ محمود عوض الله

ياشمس طلى ع الأحبة وسلمى
وبالنيابة عن كلامى اتكلمى
قولى لحبيبتى الغالية امى تسلمى
وتعيشى ليا يا حبيبه ما تعدمى
ياشمس طلى ع اللى طال البعد عنهم
بلغيهم ان انا عايش ما بينهم
طمنينى وقربينى شويه منهم
مهما طالت غربتى ف فلبى مكانهم
فوق جناحك وصلى لاهلى سلام
وبشعاعك ارسلى همس وكلام
للحبيب اللى ف غرامه مفيش ملام
واللى قلبى بيعشقه رغم الالام
ياشمس طلى ع الاحبه فى الشروق
حملى شعاعك غرام منى وشوق
م الحبايب ارفعى حرك لفوق
اصله غالى وحبه سارى فى العروق
ياشمس طلى ع الأحبة فى الغروب
سلميلى على الشوارع والدروب
والحبيبة اللى ف هواها الروح تدوب
قلبى ادمن حبها ومستحيل يقدر يتوب