السوشيال ميديا: برافو زينة عرفتى تاخدى حقك.. وتخلى «عز» يتحمل غلطتكوا سوا

انقسم نشطاء مواقع التواصل الاجتماعى بين مؤيد ومعارض لتصريحات زينة التى شنت هجوما عنيفا على الفنان أحمد عز لخسارته آخر قضية قد رفعتها عليه وقالت له: «كبيرك تتكلم فى سمعة أم ولادك يا شيطان»، إذ قالت إحدى الناشطات عبر موقعها الشخصى على فيس بوك: «برافو زينة عرفتى تاخدى حقك وتخليه يتحمل غلطتكوا سوا.. بحييكى جدا لأنك قوية.. لازم الراجل لما يغلط يتحمل نتيجة غلطته زى الست.. كلنا بنى آدمين وبنغلط بس دايما المجتمع بييجى على الست للأسف اللوم كله على الفريسة بدل ما يبقى على الصياد».
وقال آخر عبر حسابه الشخصى على فيس بوك: «يا أخى خلى عندك رجولة وبطل حركاتك القذرة اللى كل الناس فهماها تعملوا العملة وبعد كده سوقوا الشرف كتك خيبة يا عرة الرجالة دول طفلين هيبقوا رجالة بإذن الله وهتبقى تتمنى أنهم يبصولك ولو بطرف عنيهم لأنهم مش هينسوا قذارتك معهم زى أحمد الفيشاوى نفس القصة بس ضميره صحى عقبالك يا عرة الرجالة لونى خسارة فيك لفظ رجل». وأكدت أخرى: «ولما هو شيطان غلطتى معاه ليه يا ملاك يا برىء مش عارفة إنتى إزاى كده أكيد البجاحة إللى عندك دى وراثة فى العيلة جتك القرف»، وقالت أخرى: «يا ختي.. يا جميلة الجميلات..إيه النفخة دى.. مش لو إنت أساسا اتجوزتى على سنة الله ورسوله أنتِ نسيتى جبتى العيال دول إزاى.. فوقى بس العيب مش عليكى.. العيب على اللى خلا أشكال زيك يبقى لها مكان بين الشرفاء.. المفروض لو نقابة الممثلين القائمين عليها وأعضاؤها عندهم ذرة من الشرف والحلال والحرام كانوا فصلوكى ومفيش منتج يسند عليك أى عمل».