قصف الجبهة السوشيال ميديا: مرتضى منصور يلغى التمرينات ويبخر النادى ويعمل زار للاعبين

حالة من السخرية سيطرت على نشطاء مواقع التواصل الاجتماعى بعد التصريحات النى أدلى بها رئيس نادى الزمالك مرتضى منصور بعد هزيمة فريق النادى لكرة القدم من نادى سموحة بثلاثية نظيفة، حيث قال مرتضى إن فرج عامر «بيجيب» ولد قبل الماتشات.. وممدوح عباس مقعد واحد مغربى فى بيته 24 ساعة، وفى المقابل أكد أحد النشطاء عبر حسابه الشخصى على فيس بوك: «مرتضى منصور لازم يتم محاكمته بإزدراء الأديان كل مرة يطلع يهين الدين ويقول كلام أهبل يضحك الملحدين على إيمان أى حد بمخلوقات ربنا اللى مرتضى بيدعى عليها ظلم وافتراء علشان يبرر فشله».
وأكدت إحدى الناشطات قائلة: «مرتضى نموذج لكل واحد بيقلل من صورة الدين اللى معتنقه بكلام ملهوش أى علاقة بالواقع ويلبس الحق بالباطل علشان يرضى هواه ويهاجم اللى يرفض كلامه ويصفه بالكفر». وقال آخر: «يا ريت الجماعة اللى بتطلع تمثل فى التليفزيون أن همها على عقول الناس ودينهم يشوفولنا سكة يسكتوا بيها الراجل ده أو حتى يقولوا لمجاذيبهم أنه غلط ويعملوا حاجة صح فى حياتهم قبل ما سبوبة برامجهم تخلص على فشوش». وقال أحد المغردين على تويتر: «الصراحة يا جماعة أنا شوفت جن بيقول للشناوى فى الجون الأول أطلع يلا بدل ما أركبك»، ورد عليه آخر قائلا: «الكورة كلها اتغيرت ومصر وصلت كأس العالم والزمالك لسا بيخسر برده»، فيما قالت أخرى: «لو مرتضى منصور نفذ تهديده بالانسحاب بعد مباراته مع طنطا مكنش اتغلب من سموحة»، وأكد آخر: «مرتضى منصور يلغى التمرينات ويبخر النادى ويعمل زار للاعبين».