السوشيال ميديا: للأخ إللى طلق ياسمين صبرى.. يعنى أنت اتجوزتها لما كانت صبرى ورايح تطلقها لما بقت ياسمين

انتشر أمس الاول خبر طلاق الممثلة الشابة ياسمين صبرى على مواقع التواصل الاجتماعى مثل النار فى الهشيم، إذ سيطرت حالة من الصدمة على نشطاء السوشيال ميديا، مؤكدين أن ياسمين أخفت خبر زواجها خمس سنوات وعندما قررت التحدث عن زوجها منذ فترة قليلة فى برنامج «صاحبة السعادة» لاسعاد يونس تم طلاقها، حيث قال أحد النشطاء عبر حسابه الشخصى على فيس بوك: «كلمة للأخ اللى طلق ياسمين صبرى: يعنى انت اتجوزتها لما كانت صبرى ورايح تطلقها لما بقت ياسمين»، وقال آخر: «ياسمين صبرى فضلت 5 سنين متجوزة وحياتها سعيدة وبعد 20 يومًا من إعلان جوازها اتطلقت.. شباب مصر وحقدهم ضيع الوفية يا عينى».
فيما قالت إحدى الناشطات عبر تويتة لها على تويتر: «فرحة الناس بطلاق ياسمين صبرى اكتر من فرحتنا بوصولنا كأس العالم»، وقال آخر: «ليه شايفين ان طلاق ياسمين صبرى _ إن صح _ أنه بسبب عين الناس ما يمكن ان جوزها شاف شهرتها و شاف زيادة معجبينها سواء سيدات أم رجال فطغى عليه طباع الرجل الشرقى و ده اللى كان سبب».
وأكد آخر عبر حسابه الشخصى على فيس بوك: «طلاق ياسمين صبرى كان متوقعًا أكيد زوجها مقدرش يستحمل التغيير الشامل اللى حصل فى شخصيتها اكيد هى من 5 سنين قبل الشهرة كانت حد تانى غير اللى احنا شايفينه دلوقتى وهو حبها على شخصيتها القديمة ووارد جدا انه ما قدرش يتأقلم مع حياتها الجديدة وده لا يعيبه ولا يعيبها فى شىء والله أعلم».