قصف الجبهة..السوشيال ميديا: لا تقولى خد ولا هات ده انتوا معلم عليكم حسين الشحات
روزاليوسف اليومية
سخر نشطاء مواقع الواصل الاجماعى من الهزيمة التى لحقت بالزمالك من نادى المقاصة فى الأسبوع الحادى عشر للدوري، وأكد النشطاء أن كل الفرق فى الدورى مشى وتأتى أمام المقاصة وتتحول لبرشلونة، إذ أكد أحد النشطاء عبر حسابه الشخصى على تويتر: «الفرق كلها بتمشى طول الدورى تيجى قدام الزمالك و تلاقيهم بقو برشلونة مش عارف المشكلة فين والله»، وقال آخر: «شوية عيال بيلعبوا كورة عندنا تحت البيت.. طلع جارنا بيزعق لهم وبيقول لهم بلاش تلعبوا دلوقتى بدل ما حد يشوط كورة تيجى جول فى الشناوى إحنا مش ناقصين!».. وأكدت إحدى الناشطات عبر حسابها على فيس بوك: «انتوا أحمدوا ربنا أن الحكم كان متعاطف معاكو وماحسبش ضربات الجزاء كان زمانكو طالعين بفضيحة»، وقالت أخرى: «جمال الغندور بيقول أن ضربتين جزاء لم تحتسبا لصالح المقاصة أمام الزمالك.. إيه رأيكم نعطى الزمالك العدالة التحكيمية ونتركه يخسر بخماسية؟»
فيما كتب العديد من النشطاء بوستات تخسرمن هزيمة الزمالك بثلاثة أهداف مقابل هدف، وجاءت التعليقات كالآتي: «خدلك من القصب مصة وإنسى اللى حصل من المقاصة»، «يعنى لو واحد عايز يطلق مراته يقولها روحى وإنتى طالق بالزمالك»، «لا تقولى خد ولا هات ده انتوا معلم عليكم حسين الشحات»، «بصلى حتة دين بصة وأترزع لاتة من المقاصة»، «تم تغيير اسم اللاعب الغانى جون أنطوى إلى جونين أنطوى نظرا لإحرازه هدفين فى مرمى الشبكاوي».
