واحة الإبداع.. يا جمال لغة العيون

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]

 

اللوحات للفنان
إيهاب شاكر


 

يا جمال لغة العيون


شعر – أحمد عبدالعزيز


مافيش فى الغرام شيء مضمون
اوعى تلعب براسك الظنون
أكيد جربت مكالمة التليفون
ما جربتش مكالمة لغة العيون
مكالمه تخدرك زى الأفيون
من شروطها تكون وسط السكون
والعاشق يترجم لغة العيون
مش مهم الواحدة مهما تكون
دكتوره خريجة جامعة السوربون
أو فلاحه من قرية سنديون
جمالها يساوى اللؤلؤ المكنون
أضحى فى سبيلها مهما يكون
معاها أكون أو لا أكون
من أيام الخليفة المأمون
أو حتى أيام توت عنخ آمون
كلام الغرام بالشوق مدهون
عارفين حكاية ليلى والمجنون
ولا حكاية دليله وشمشون
نفس الحكاية بالكربون
دى فيلم عربى فى التليفزيون
ممكن يتمثل على مسرح البالون
حاجات أخطر من ثقب الأوزون
لو عشقت ذات القلب الحنون
تخطف قلبك من غير قانون
غرام ارق من الذرة والإلكترون
مالوش كبير حتى لو نابليون
الحب دايما فى العيون مخزون
سيف حامى حاد السنون
أثره فى القلب يجيب الجون
يخلى قلبك بالغرام مشحون
يلخبط كيان هتلر ونيرون
عشق اغلى من الجوهر المكنون
جواه شطه وفلفل وكمون
هدى أعصابك واشرب ليمون
ولو مافيش خليها واحد ينسون
أصل الحب أجمل ما فى الكون
بس مين اللى يعرف يصون