واحة الإبداع.. طرح الأحلام

اللوحات للفنان الإسبانى
أنطونيو مورا

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


طرح الأحلام

كلمات - رضا أبوالغيط

بيورق
حلمى المتعلق
ف مهب الريح
وبيطرح
 فجر وبيشقشق
من غير تصاريح
وبإيده دايما بيفرق
ع الناس تفاريح
من غير ما يحاول يتراجعقدام الآه
وللا حتى.. يسلم لمواجع
كات طارحه معاه
مفاتيح الخير.. المتربع
دايما جواه
ويقول بحروفه اللى بتطرح
ورد البساتين
من بكره خلاص لازم نفرح
ونسُر العين
برايات السلم.. اللى بتملا
كل الميادين
والحق الطارح ف مطارح
وكلامه صريح
بيورق
حلمى المتعطر
وبيرسم باللون الأخضر
أفراحى الجايه بتتمخطر
شايله المصابيح
ومناها تصعد ع الأزهر
بعد التراويح
وتنادى ع الحلوه بلادى
تركب مراجيح
وتطول الشمس اللى بتطرح
حُب وتسابيح
تقطف بإيديها المبروكه
للشعب العايش ع الهامش
كام فرحه بطرحه
 بتشاغل.. عين الدراويش
وتقابل م الشمس سنابل
طارحه لنا العيش
ومناها نعيش
أيامنا الجايه بتتهادى
على شط النيل
وف إيدها دايما كالعادة
نور القناديل
وصورنا تبقى فى الساحة
فوق أعلى أفيش
مع كل الناس اللى بتحلم
ما تعيش مجاريح
ومناها.. تطرح أحلامها
سعد وتفاريح