قصف جبة ..كل فرق الدورى كلها حاطة على المقاصة بس بتيجى قدام الأهلى وتقلب بايرن

احتفى نشطاء مواقع التواصل الاجتماعى بفوز الأهلى على المقاصة أمس الأول بهدفين مقابل هدف المقاصة أحرزه أنطوى من ضربة جزاء، وأكدوا أن أى فريق يحاول أنه يستأسد أمام الأهلى فقط مثلما فعل المقاصة الذى كان يلعب بكل حماس، إذ قال أحد المغردين عبر حسابه على تويتر: «أول مرة أشوف فريق بينافس الأهلى.. شابوه مصر المقاصة.. شابوه اجاى.. شابوه وليد سليمان.. شابوه عبدالله السعيد اللى ملوش بديل فى مصر»، وقال آخر: «فرق الدورى كلها حاطة على المقاصة بس بتيجى قدام الأهلى وتقلب بايرن». ورد آخر قائلا: «جميع  فرق الدورى بيستاسدو أمام الأهلى لأن حلم كل لاعب ان يلعب للأهلى أو ينتقل له»، فيما قال أحد النشطاء عبر حسابه على فيس بوك: «بعيد عن الروح وان الأهلى بيلعب لآخر دقيقة وانه صعب يتغلب لأن الكلام ده اتهرس.. وبعيد عن أن اجاى افضل محترف فى الدورى وافضل لاعب فى الاهلى.. بس افضل ما فى ‎الاهلى ان لاعيبه كلها بتجيب اجوان مش معتمدين على لاعب أو اتنين..
عبدالله السعيد ووليد سليمان بيعوضوا نقص السرعة بالخبرة».
وقال آخر: «بقى هو ده جون انطوى اللى كان عامل زى الدبانة التنحة لما كان فى الاهلى دلوقتى قالب على رونالدو.. مكنش استغنى يا أنطوى».