قصف جبهة..السوشيال ميديا: صلاح محسن علي دكة الاحتياطى.. البدرى هينسيكوا الكورة

تباينت ردود أفعال نشطاء مواقع التواصل الاجتماعى حول انتقال صلاح محسن للنادى الأهلى، ففى الوقت الذى يرى فيه البعض أنه إضافة للأهلى، قرب آخرون انه سيكون على دكة الاحتياطي، إذ قال أحد المغردين عبر تويتر: «‏صلاح محسن صفقة الموسم وهيفرق كتير فى افريقيا مش فى دورة رمضان اللى بنلعبها هنا مع البوابين والمنجاوية».. وقالت اخرى عبر حسابها على فيس بوك: «أنا مش حتكلم اذا كان صلاح محسن او محمد عنتر أو اى لاعب يستاهل الأرقام اللى بتتدفع دى ولا لا.. أنا شايفة أن الأرقام دى لا تناسب دورى محلى زى الدورى المصرى مبيتفرجش عليه غيرنا احنا و بلدين تلاتة كمان وكمان لا يتناسب اطلاقا مع الحالة الاقتصادية اللى مصر بتعشها دلوقتى».
وقال آخر عبر تويتر: «‏مبروك عليك الدكة يا نجم نورت دكة الاحتياطى، شرف جمب أخواتك على فرج، عمرو بركات، أحمد حمدى، أكرم توفيق، باسم على البدرى هيخليكم تنسوا الكورة، هتبقى فرجة وتمرينات بس».
وأكد آخر عبر فيس بوك: «صلاح محسن 7 إجوان واسيستين فى 18 ماتش.. مصطفى محمد 6 إجوان واسيستين فى 17 ماتش.. صلاح محسن بـ45 مليونًا ومصطفى محمد بتاعنا أصلا  بس مرتضى كان رايح يشترى صلاح محسن لمجرد أنه عايز يخطف صفقة من الأهلى».