السوشيال ميديا: أحلى حاجة فى ماتش الزمالك غير الجول فى الدقيقة 90 أنه شال هشتاج الفلانتين من الترند
روزاليوسف اليومية
احتفى نشطاء مواقع التواصل الاجتماعى بفوز الزمالك أمام نادى وادى دجلة فى الدقيقة 90 بهدف مقابل لا شيء، فيما سخر آخرون من الفوز الذى جاء بطلوع الروح أمام منافس متواضع وليس قوى إلى حد ما، إذ قال أحد المغردين عبر حسابه على تويتر:» لسه بقول خلاص الماتش خلص تعادل سلبى ..لقيت كاسونجو جاب هدف .. الزمالك طلع بيعرف يعمل كم باك ﻷ ويسجل فى الدقيقة 90»، ورد آخر قائلا: «كاسنجو كان محتاج يجيب جوون ومفيش أحلى من ده جون بعد الفرص اللى ضيعها طول الماتش بس الجون لولا اوباما ومعروف مكنش حصل الحمد لله 3 بنط من العشرى».
وقال آخر عبر حسابه على فيس بوك:» أحلى حاجة فى ماتش الزمالك غير الجول فى الدقيقة 90 أنه شال هشتاج الفلانتين من الترند»، وأكد آخر:»ماتشات الزمالك بقيت بتضحكنى أكتر من مسرح مصر»، وأكد آخر قائلاً: «يااااه يا زمالك ده أنا كنت قربت نسيت زمن الأهداف القاتلة بتاع آخر الدقايق دى والله ربنا يمسيك بالخير يا شيكا والله».
