السوشيال ميديا: ميدو فخر للكرة المصرية..كل سنة وأنت طيب يا عالمى

احتفى نشطاء مواقع التواصل الاجتماعى بعيد ميلاد أحمد حسام «ميدو» الـ35، وأكدوا أنه لاعب عالمى استطاع أن يصنع اسمه فى الداخل والخارج، إذ قال أحد المغردين عبر حسابه على تويتر: «‏أنا أهلاوى بس فى لاعيبة تخليك تنسى انتماءك وتحبهم.. ميدو كلاعب مش أنا اللى هتكلم عليه بس فى التحليل حاجة أوروبية ويخليك تسيب اللى فى ايدك وتسمعله.. دمت دائما بصحة وسعادة.. وكل سنة وانت طيب ياعالمي».
وقال آخر عبر حسابه الشخصى على فيس: «ابن النادى فرحانين بيك أوى يا ميدو وبالخطوة الكبيرة دى وإن شاء الله تحقق حلمك بالتدريب فى أكبر أندية أوروبا.. أن شاء الله تبقى أحسن مدرب فى العالم.. ميدو مديرا فنيا لفريق باريس سان جيرمان تحت 19 سنة».
وقال آخر عبر تويتر: «كمية فخر وأنا بلف فى الاكونت عند ميدو بمناسبة عيد ميلاده الـ35 وكل الأندية اللى لعب فيها بتهنيه.. ميدو لاعيب عالمى عمل اسم ليه كبير بره فى وقت مكنش حد يعرف ايه اوروبا دى ..كل سنة وانت طيب يا عالمى وربنا يوفقك فى اللى جاى إن شاء الله».
وقال آخر: «‏اتكلم بعيد عن انى زملكاوي..ميدو بدأ مدرسة الاحتراف فى مصر.. ميدو فخر للكرة المصرية كل سنة وأنت طيب يا عالمي».